കായംകുളം : കായംകുളം ഭരണിക്കാവില്‍ കുടുംബവഴക്കിനിടെ അച്‌ഛന്‍ മകളുടെ ശരീരത്തില്‍ തിളച്ചവെള്ളമൊഴിച്ചു. കായംകുളം ഭരണിക്കാവ്‌ സ്വദേശി ശശിയാണ്‌ മദ്യലഹരിയില്‍ എട്ടുവയസുകാരിയായ മകള്‍ ലക്ഷ്‌മിയുടെ മേല്‍ തിളച്ചവെള്ളമൊഴിച്ചത്‌. ലക്ഷ്‌മിയെ ഗുരുതരാവസ്‌ഥയില്‍ കായംകുളം താലൂക്ക്‌ ആശുപത്രിയില്‍ പ്രവേശിപ്പിച്ചു. കുട്ടിയുടെ ദേഹമാസകലം പൊള്ളലേറ്റിട്ടുണ്ട്‌.

കുടുംബവഴക്കിനിടെ ശശി ഭാര്യയുടെ ദേഹത്തേയ്‌ക്ക് തിളച്ചവെള്ളം ഒഴിക്കുകയായിരുന്നു. എന്നാല്‍, ഭാര്യ ഓടി മാറിയതിനെ തുടര്‍ന്ന്‌ സമീപത്തു നിന്ന കുട്ടിയുടെ ശരീരത്തിലേയ്‌ക്ക് വെള്ളം വീഴുകയായിരുന്നു.

സംഭവത്തെ തുടര്‍ന്ന്‌ സ്‌ഥലത്തെത്തിയ പോലീസ്‌ ശശിയെ കസ്‌റ്റഡിയിലെടുത്തു.
| Copyright © 2014 She Report